تعرّضتْ الممثلة نادين نسيب نجيم في الفترة الأخيرة، لإنتقادات كثيرة عبر مواقع التواصل الاجتماعي، بسبب ظهور إختلاف في ملامح وجهها، حيث إتهمها البعض بإجراء عمليات تجميل، معتبرين أنها قللت من جمالها ولم تسر بالشكل المناسب.
لكن نجيم خرجت عن صمتها، وردّت على هذه الإنتقادات بطريقة مباشرة مبدية إنزعاجها، حيث نشرت عبر صفحتها الخاصة صورة لها ولنجمات أجانب، وعلّقت: "بعتقد بكفي حكيتوا كتيرعن موضوع شكل وجي وأخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة أو أي شي بتتركوا كل شي وبتعلقوا على حنكي بالوقت يلي بتنفحطوا وبتجنوا بجمال الأجانب".
وأضافت: "وهيدي الصورة حطيتا ليش حلال على الأجانب و عليي أنا لاء ! تتشوفوا عقدة البعض مني انا تحديداً وكأني الأولى والأخيرة هيدي أنا هيدا شكلي وكتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا وأنا ما عم رد ولا رح غير شكلي كرمال حدا هيك أنا مبسوطة ويلّي أجمل مني يعمل أحسن مني ما زهقتوا نفس الحكي بتعيدوا صرلكم سنة والله أنا زهقت عنكم"!
وتابعت نجيم: "شو المقصود من كل هل حكي غير حالي؟ مستحيل !!! تأثروا على نجاحي على ثقتي بنفسي؟ مستحيل !!! تغيّروا رأي العالم يلي بحبوني و بشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز ؟ اي ممكن بس نصيحة ما شايفين أني ماشية بطريقي والمحبين والمعجبات كتار لوين بدكم توصلوا؟ ما شايفين غيري بكل الوطن العربي؟ بعرف هيدي ضريبة النجاح بس إذا أنا بنت بلدكم وهيك عم تعملوا فيي شو خليتوا لغير عالم هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت ويبلعها وما يحكي الحق! أنا إنسانة وعندي صوت متلكم بجاوب وقت يلي لازم جاوب وهيدا جوابي إن شاء الله تحلوا عن حنكي وتركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني".
